Subnetting ကို အမြန်တွက်ကြည့်ရအောင် (၂)

          အိုခေ မနေ့က subnetting နဲ့ပါတ်သက်ပြီးကျွန်တော် post တင်လိုက်တော့ စိတ်ဝင်တစားဝင်ကြည့် ကြတဲ့အတွက် တော်တော်ကျေနပ်မိပါတယ်။ ဒါ့ကြောင့် ဒီနေ့ အပိုင်း ၂ ကိုအမြန်တင်ပေးလိုက်ပါတယ်။ ဒီတော့ စပြီးတွက်ကြည့်ရေအောင်။ class C ကိုပဲနမူနာခွဲပြမယ်နော်။

192.168.1.0/24 ဆိုတဲ့ network ဟာ ပုံမှန်အားဖြင့် network တစ်ခု နဲ့ host ပေါင်း 254 လုံးရမယ်။ ဟုတ်တယ်နော်။ 2⁸ = 256 လေ။ ဒီတော့ network address နဲ့ broadcast address 2 ခုကိုဖယ်လိုက်တော့ host အတွက် 254 လုံးကျန်မယ်။ ဒါပေမဲ့ ကျွန်တော်တို့သုံးမယ့် network မှာ အဲလောက် ကွန်ပျူတာမရှိဘူး။ အများဆုံး အလုံး 100 ပဲရှိတယ်။ ဒီတော့ ကျန်တဲ့ IP တွေကို အလဟသမဖြစ်အောင် subnet ခွဲဖို့လိုအပ်လာပြီပေါ့။ ဒီတော့ ကျွန်တော် အပိုင်း ၁ မှာနောက်ဆုံးဖော်ပြခဲ့တဲ့ ဇယားလေးကိုပြန်ကြည့်ရအောင်။

ဒီတော့ host အရေအတွက်ကို အရင်ကြည့် ကျွန်တော်တို့လိုတာက အလုံး 100 ဆိုတော့ 128 ကိုယူတာပေါ့။ ဒီတော့ ရလာမယ့် network အရေအတွက်က 2 ခုဖြစ်သွားမယ်။ ဘာတွေလဲဆိုတော့ 192.168.1.0 နဲ့ 192.168.1.128 ဆိုပြီးထွက်လာမယ်။ ဘယ်လိုတွက်လိုက်သလဲဆိုတော့ ရလာမယ့် network ကနှစ်ခုမဟုတ်လား၊ ဒီတော့ 192.168.1.0 ကိုရလာမယ့် host အရေအတွက် 128 နဲ့ 256 ရောက်တဲ့အထိပေါင်းလိုက်။ ဒီတော့ 192.168.1.0 ကို 128 နဲ့ပေါင်းတော့ 192.168.1.128 ဖြစ်လာတယ်။ class C ဖြစ်လို့ နောက်ဆုံး octet မှာပေါင်းလိုက်တာနော်။ ဒီတော့ 192.168.1.128 ဆိုတဲ့ network တစ်ခုထပ်ထွက်လာမယ်။ အဲဒီ 192.168.1.128 ကို 128 နဲ့ထပ်ပေါင်းကြည့် 192.168.1.256 ဖြစ်သွားပြီ။ ဒါဆိုရင်တော့ အဲဒီဟာကိုသုံးလို့မရတော့ဘူး။ ဘာဖြစ်လို့လည်းဆိုတော့ 255 ဟာ octet တစ်ခုမှာ နောက်ဆုံး ဂဏန်းပဲလေ။ ဒီတော့ ရလာမယ့် network အရေအတွက်ကိုကြည့်လိုက်ရင် 2 ခုလို့ထွက်လာတယ်မဟုတ် လား။ ဒါ့ကြောင့်မို့ 192.168.1.0 နဲ့ 192.168.1.128 ဆိုတဲ့ network နှစ်ခုထွက်လာတယ်။ အိုခေလား ။ ခက်တော့ ခက်သားကလားဗျာ။ တခါတလေ ရှင်းရင်းနဲ့ ရှုပ်ရှုပ်သွားတာမျိုး။ ဆက်ပြောမယ်နော်။ ဒီတော့ အဲဒီ network address တွေတော့ထွက်လာပြီ။ subnet mask ကဘယ်လိုဖြစ်လာမလဲဆိုတော့ ဇယားမှာ ထားရမယ့် subnet mask ကိုကြည့်လိုက်။ အလုံးအရေအတွက 128 ကိုယူထားတယ်မဟုတ်လား အဲအောက်တည့်တည့်ကို ကြည့်လိုက်ရင် 128 လို့တွေ့လိမ့်မယ်။ ဒီတော့ subnet mask က 255.255.255.128 ဖြစ်လာပါတယ်။ network နှစ်ခုလုံးအတွက်နော်။ အရင်ကဆိုရင် class C network အတွက်ဆိုရင် default subnet mask က 255.255.255.0 လေ။ subnet ခွဲပြီးတဲ့နောက်မှာတော့ 255.255.255.128 ဖြစ်လာပါတယ်။ network လည်း နှစ်ခုကွဲထွက်သွားပါတယ်။ ဒီတော့ ပထမ network ရဲ့ address range သည် 192.168.1.1 ကနေ 192.168.1.126 ဖြစ်ပြီး ကွန်ပျူတာ 126 လုံးသုံးလို့ရပါမယ်။ ဒုတိယ network ရဲ့ address range သည် 192.168.1.129 ကနေ 192.168.1.254 အထိဖြစ်ပြီး host အရေအတွက် 126 လုံးရပါမယ်။ အခုဆိုရင် ကျွန်တော်တို့ host ပေါင်း 126 လုံးသုံးလို့ရတဲ့ network နှစ်ခုရလာမှာဖြစ်ပြီး 192.168.1.0 ဆိုတဲ့ network ကိုသုံးရင် 192.168.1.128 ကို လိုတဲ့အချိန်မှသုံးဖို့ချန်လှပ်ထားနိုင်ပါတယ်။

          နောက်တစ်ခုပြောချင်တာက network မှာ network address ကိုဖော်ပြတဲ့နည်းနှစ်နည်းရှိပါတယ်။ တစ်ခုက subnet mask notification နည်းနဲ့ prefix length notification နည်းတို့ပဲဖြစ်ပါတယ်။ ကျွန်တော်တို့ပြောနေတဲ့

-       192.168.1.0

-       255.255.255.128

ဆိုတာ subnet mask notification နည်းပဲဖြစ်ပါတယ်။

-       192.168.1.0/25 ဆိုတာကတော့ prefix length notification နည်းဖြစ်ပါတယ်။ အပေါ်ကနည်းကို တော့ ဘာ့ကြောင့် 255.255.255.128 ဖြစ်လာသလဲဆိုတာကိုရှင်းပြခဲ့ပြီးပါပြီ။ ဒီနည်းကိုတော့ အခုရှင်းပြမယ်။ ပုံမှန်အားဖြင့် class C address ဖြစ်တဲ့ 192.168.1.0 သည် /24 ဖြစ်ရမှာဖြစ်ပါတယ်။ ဒါပေမဲ့ အခုတော့ /25 ဖြစ်နေတယ်။ ဒါကိုကြည့်ခြင်းအားဖြင့် network ဟာ subnet ခွဲထားတယ်ဆိုတာကိုသိနိုင်ပါတယ်။ class C မှာ network bit နဲ့ host bit တွေကိုအောက်ပါအတိုင်းခွဲ ထားပါတယ်။

အဲဒီထဲကမှ ကျွန်တော်တို့က host အရေအတွက် 100 အတွက် အဆင်ပြေတဲ့ 128 ကိုရွေးလိုက်တယ်။ ဇယားရဲ့ 128 အပေါ်တည့်တည့်ကိုကြည့်တဲ့အခါ ယူလိုက်တဲ့ bit place ကိုကြည့်လိုက်ရင် 1 လို့တွေ့ရမှာဖြစ်ပါတယ်။ ဆိုလိုတာက ကျွန်တော်တို့ဟာ လက်ရှိ class C address ရဲ့ H လို့ဖော်ပြထားတဲ့ host ဘက်က bit တစ်လုံးကို network အတွက်ယူလိုက်ရတယ်လို့ဆိုလိုတာဖြစ်ပါတယ်။ ဒီတော့ အောက်ကပုံအတိုင်းဖြစ်လာပါတယ်။ နောက်ဆုံး octet က ရှေ့ဆုံး H နေရာမှာ N ဖြစ်သွားတာကိုတွေ့ရမှာဖြစ်ပါတယ်။

တနည်းအားဖြင့် prefix length notification ဆိုတာ network bit တွေကိုပေါင်းရေးထားခြင်းပဲဖြစ်ပါတယ်။ ပုံမှာ network (N) ဆိုတာလေးတွေကိုပေါင်းကြည့်လိုက်ရင် 25 လုံးရှိတာကိုတွေ့ရမှာဖြစ်ပါတယ်။ ဒါ့ကြောင့်လည်း 192.168.1.0/25 နဲ့ 192.168.1.128/25 ဆိုတာဖြစ်လာပါတယ်လို့ပြောရင် ဒီနေရာမှာနားလိုက်ပါ့မယ်။ ခေါင်းတွေလည်း မူးနေပါလိမ့်မယ်။ ဒါပေမဲ့ နည်းနည်းလေး အားစိုက်ဖတ်ကြည့်ပေးပါ။ နားမလည်တာတွေကို လည်း facebook ရဲ့ techgate page (https://www.facebook.com/Tech-Gate-183117205356912/ )မှာ comment ပေးပြီးမေးနိုင်ပါတယ်။ ပြီးတော့ subnetting နဲ့ပါတ်သက်ပြီး လေ့ကျင့်ချင်တယ်ဆိုရင်တော့ http://www.subnettingquestions.com/ မှာလေ့ကျင့်နိုင်ပါတယ်။