LAB 006 – Configuring Spanning-Tree Protocol for Acccess ports ( Portfast )

          ဒီရက်ပိုင်းအတွင်းမှာ ကျွန်တော်ခရီးထွက်နေရလို့ ကျွန်တော့် blog ကိုပြစ်ထားသလိုဖြစ်သွားတယ်။ ဒီ့ထက်ပိုဆိုးတာက ကျွန်တော့် blog လေးကို ၀င်ရောက်ကြည့်ရှုနေကြတဲ့ သူတွေကို အားနာမိတာပါပဲ။ ဒါ့ကြောင့် ကျွန်တော် ပြန်ရောက်ရောက်ချင်း တင်ပြီဗျာ။ ခေါင်းစဉ်လေးမှာ portfast ဆိုတာကို ဖော်ပြထားတာကိုတွေ့ရမှာပါ။ ဒီတော့ portfast ဆိုတာ STP ကို သက်ဆိုင်ရာ port ကိုတော့ဖြင့် block မယ်၊ forward လုပ်မယ်ဆိုတာတွေကို တွက်ချက်မနေနဲ့တော့ တိုက်ရိုက်ပဲ forward လုပ်လိုက်ပါတော့ လို့ command ပေးလိုက်တာဖြစ်ပါတယ်။ STP ဟာ သူ့ရဲ့ convergence state ကိုရောက်ဖို့အတွက် စက္ကန့် ၆၀ လောက်အချိန်ယူပါတယ်။ အချို့နေရာတွေမှာ STP ဟာ ပြသနာဖြစ်စေပါတယ်။ ဥပမာပြောရရင် DHCP host တစ်လုံးဟာ DHCP server ကနေ လှမ်းပြီး IP request လုပ်တဲ့အခါမှာ STP ကြောင့် request fail ဖြစ်စေနိုင်ပါတယ်။ ဒီလိုအနေအထားမျိုးမှာ DHCP host နဲ့ တိုက်ရိုက်ချိတ်ဆက်ထားတဲ့ port ကို protfast on ထားလိုက်မယ်ဆိုရင်တော့ အဆင်ပြေသွားမှာဖြစ်ပါတယ်။ အခြားနေရာတွေမှာလည်း ညဏ်ရှိသလိုအသုံးချနိုင် တာကြောင့် portfast ကိုသိထားသင့်ပါတယ်။ အိုခေ စရအောင်ဗျာ။

ဒီ lab ကိုလုပ်ဖို့အတွက် cisco switch တစ်လုံးသာလျှင်လိုအပ်ပါတယ်။ အောက်ကပုံအတိုင်း VLAN တွေတည်ဆောက်မယ် name ပေးမယ်။ ပြီးတော့ fa0/1 နဲ့ fa0/2 port တွေကို VLAN 10 ထဲကိုထည့်မယ်။ ထည့်တဲ့အခါမှာလည်း ကျွန်တော် lab 005 မှာပြထားခဲ့သလို interface range command နဲ့ထည့်ရမယ်နော်။ ဒီအထိတော့ လုပ်တတ်မှာပါ။ ဒီတော့ portfast ကိုဘယ်လို on ရမလဲဆိုတာကိုပဲ ပြောပြမယ်။

Step 1) ပုံမှာပြထားတဲ့အတိုင်း 24 ports switch ကိုယူမယ်။ ပြီးတော့ vlan တွေကိုခွဲမယ်။ နာမည်ပေးမယ်။

Step 2) ပြီးတော့ switch port တွေကို vlan ထဲကိုထည့်မယ်။

Step 3) နောက်ဆုံးမှာ အဲဒီ fa0/1 နဲ့ fa0/2 port တွေကို portfast mode on မယ်။

Step 3) ကိုပဲပြောတော့မယ်။

ရိုက်ရမယ့် command ကတော့

()# spanning-tree protfast ပဲဖြစ်ပါတယ်။ အပြည့်အစုံကတော့

Sw1(config)#interface range fastethernet0/1 - 2

Sw1(config-if-range)#switchport mode access

Sw1(config-if-range)#switchport access vlan 10

Sw1(config-if-range)#spanning-tree portfast

ဟုတ်ပြီနော်။ ဒီနေရာမှာ STP ဟာ trunk link တွေမှာ on လို့ရမှာမဟုတ်ပါဘူး။ access port တွေသာလျှင် portfast mode ကို on လို့ရမယ်ဆိုတာကို သတိပြုရပါမယ်။ ပြီးတော့ hub တွေနဲ့ တိုက်ရိုက်ချိတ်ဆက်ထားတဲ့ port တွေကို portfast mode မ on သင့်ပါဘူး။ ဒါဟာ ကိုယ့်ရဲ့ network ကို အချိန်အနည်းငယ်လောက် ဒေါင်းသွားစေနိုင်ပါတယ်။ နောက်ဆုံးအနေနဲ့ ကိုယ့် port က spanning tree portfast ဖြစ်ရဲ့လားဆိုတာကို

Sw1#show spanning-tree interface fastethernet 0/2 detail

နဲ့ကြည့်လို့ရပါတယ်။ ဒါပေမဲ့ packet tracer မှာတော့

Sw1#show spanning-tree interface fastethernet 0/2 portfast နဲ့မှကြည့်လို့ရမယ်။ ဒီလိုပေါ်နေရင်တော့ configuration လုပ်လို့ပြီးဆုံးပြီဖြစ်ပါတယ်။

Switch#show spanning-tree int fa0/1 portfast

VLAN0001         enabled

VLAN0010         enabled